Божественная Литургия Святому Царю Николаю - искупителю соборного греха измены Народа Русского

Опубликовано monarxist в 16 июль, 2009 - 17:35.

АКАФИСТЫ

На Велицей вечерне:

Блажен муж: 1-й антифон.
На Господи, воззвах: стихиры на 8, глас 2-й.
Подобен: Егда от древа:
Егда на Царство венчание восприял еси,/ Помазанниче Божий Ніколае, /в молитве пред Народом глаголя:/ Владыко мой и Господи, /настави мя на служении сем велицем, /да будет премудрость Твоя со Мною, /да разумею, что угодно есть пред Очима Твоима. /Тaко не о славе земнeй попечение имeл еси, //но паче о Славе Небесней.
Якоже Святии Князие Борис и Глеб побеждаеми желанием будущих, паче же Любовию Христовою, Царство Земное и Славу презрел еси, чистоту же возлюбил еси, и ритуальное заклание претерпел еси, никакоже противляшеся предающему Тя народу, темже и всемощный предстатель за Народ Свой являешися, о Царю-искупителю, Ангеле Земли Русския, защитниче наш Небесный, моли спастися душам нашим.
Егда мнози беззаконницы и вожди людстии / восхотеша восстати на Веру, Царя и Отечество, / тогда Ты, богомудре Царю Николае, / болезновал еси о Народе Твоем / и, каинова братоубийства в Державе Своей избегнути хотя, / власть земную, славу и почесть оставил еси, / все упование возлагая на Бога. / Темже ныне, предстоя престолу Царя царствующих, / молися о Державе Российстей / и спасении душ наших.
Егда наста гонение, / заточение и поношение, / тогда твердую Веру, / надежду на Бога, чистейшую любовь, / терпение же и всепрощение показасте, / Святии Царственнии Страдальцы, / творяще кротко молитвы за враги. / Велие на земли благочестие Ваше, / велия на Небесех слава Ваша.
Ины стихиры, глас 6-й.
Подобен: Все отложивше:
Все упование на Бога возложивше, / святии Царственнии Подвижницы, / образ терпения и страдания / всей Земли Русской явистеся.
Все благочестие Твое во Христе бысть, / Святая Новомученице Царице Александро, / пришла бо еси от лютеровы веры к Православию, / егоже восприяла еси всем сердцем Своим, / возлюбивши молитву, / храм Божий и Святых Отец учения, / и, яко мати добронравная, / во благочестии возрастила еси Чада Твоя, / и тая уготовала еси в непорочную жертву Христу. / Сего ради Тя присно прославляем.
Плод благословен / молитв Саровскаго Чудотворца / и чаемый Наследник Царственных Родителей быв, / надежда, слава и упование России / в радость людем православным явился еси, / Святый Царевичу Новомучениче Алексие. / Божиим же промышлением / многия скорби и недуги / измлада безропотно терпел еси / и, яко Агнец Непорочный, / убиение от злочестивых приял еси, / ныне же ликуеши, яко наследник Царствия Небеснаго. / Сего ради Тя присно ублажаем.
Дщери Царевы, / Святыя Новомученицы, / истинныя невесты Христовы, / Ольго, Татиано, Марие и Анастасие, / Вы, яко мудрыя евангельския девы, / елей милосердия / в душах присно хранящия, / страждущым, нищым и болящым / усердно послужили есте / и, за гонящыя Вас / даже до смерти Господа молящыя, / в чертозех Жениха Небеснаго вселилися есте. / Сего ради Вас присно ублажаем.
Слава, глас 6-й
Союзом Любве Христовы связуеми, / седмочисленнии Царственнии Богомольцы, / поношения и убиения не убоявшеся, / за Русь Святую от жидов пострадасте / и образ исповедничества и ревности по Бозе / верным людем показасте. / Темже, Земли Русския / покровителие неусыпаемии явльшеся, / триединаго Бога непрестанно молите / о спасении Отечества нашего / и всех с любовию вас почитающих.
И ныне, глас тойже:
Кто Тебе не ублажит, Пресвятая Дево; / кто ли не воспоет Твоего Пречистаго Рождества; / безлетно бо от Отца возсиявый Сын Единородный, / Тойже от Тебе Чистыя пройде, / неизреченно воплощься, / естеством Бог Сый / и естеством быв Человек нас ради, / не во двою лицу разделяемый, / но во двою естеству неслитно познаваемый. / Того моли, Чистая, Всеблаженная, / помиловатися душам нашым.

Вход. Прокимен дне. И чтения.
Премудрости соломоновы чтение [глава 3]:
Праведных души в руце Божией, и не прикоснется их мука. Непщевани быша во очию безумных умрети, и вменися озлобление исход их, и еже от нас шествие сокрушение: они же суть в мире. Ибо перед лицем человеческим аще и муку приимут, упование их безсмертия исполнено: и вмале наказани бывше, великими благодетельствовани будут, яко Бог искуси их и обрете их достойны себе: яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут: судят языком и обладают людьми, и воцарится в них Господь во веки. Надеющиися Нань уразумеют истину, и вернии в любви пребудут Ему, яко благодать и милость в преподобных Его и посещение во избранных Его.
Царств третиих чтение [главы 8 и 9]:
Ста Соломон пред лицем олтаря Господня пред всем собором Израилевым и воздвиже руце свои на небо, и рече: Господи Боже Израилев, несть якоже Ты Бог на небеси горе и на земли низу, храняй завет и милость рабу Твоему ходящему пред Тобою всем сердцем своим, яже сохранил еси рабу Твоему Давиду, отцу моему: ибо глаголал еси усты Твоими и рукама Твоима совершил еси, якоже день сей: и ныне , Господи Боже Израилев, сохрани рабу Твоему Давиду, отцу моему, яже рекл еси Ему, глаголя: не оскудеет муж от лица моего седяй на престоле Израилеве, токмо аще сохранят чада Твоя пути своя, еже ходити предо мною, якоже ходил еси предо мною: и услышиши молитву раба Твоего и людий Твоих Израиля, о нихже помолятся на месте сем: и Ты услышиши на месте обиталища твоего на небеси, и сотвориши и помилуеши: елика, аще согрешит кийждо ко искреннему своему, и аще приимет на него клятву еже кляти его, и приидет, и исповесть пред лицем олтаря твоего в храме сем: и ты услышиши от небесе, и сотвориши суд людем Твоим Израилю: осудити беззаконнаго, дати путь его на главу его, и оправдити праведнаго, дати ему по правде его: егда падут людие твои Израиль пред враги, яко согрешат Ти, и обратятся к Тебе, и исповедятся имени Твоему, и помолятся и возглаголют молитву к Тебе в храме сем: и ты услышиши с небесе, и милостив будеши о согрешениих людий своих Израиля, и возвратиши я в землю, юже дал еси отцем их: яко согрешат Ти, яко несть человек, иже не согрешит, и разгневаешися на ня, и предаси я пред враги, и попленят их пленящии в землю далече, или близ, и обратят сердца своя в земли, аможе преселишася, и обратятся, и помолятся Тебе в земли преселения своего, глаголюще: согрешихом, беззаконновахом, неправдовахом: и обратятся ко Тебе всем сердцем своим и всею душею своею в земли враг своих, аможе превел еси их, и помолятся к Тебе по пути земли своея, юже дал еси отцем их, и ко граду,егоже избрал еси, и ко храму, егоже создах имени Твоему: и услышиши от небесе, от готоваго жилища Твоего молитву их и моление их, и сотвориши оправдание им: да будет Господь Бог наш с нами, якоже бе со отцы нашими: да не оставит нас, ниже да отвратит нас, преклонити сердца наша к нему, еже ходити во всех путех Его и хранити вся заповеди Его и повеления Его и оправдания Его, яже заповеда отцем нашим: и рече к Соломону Господь: услышах глас молитвы твоея и моления твоего, имже молился еси предо Мною: сотворих ти по всей молитве твоей, и освятих храм сей, егоже создал еси, еже положити имя Мое тамо во веки, и будут очи мои ту и сердце мое во вся дни: и ты аще пойдеши предо мною, якоже ходи Давид, отец твой в преподобии сердца и в правоте, и еже творити по всем, яже заповедах ему, и повеления моя и заповеди моя сохраниши: и возставлю престол царствия твоего во Израили во веки, якоже глаголах к Давиду, отцу твоему, глаголя: не оскудеет ти муж властелин во Израили.
Пророчества Исаиина чтение [главы 61 и 62]:
Дух Господень на мне, егоже ради помаза мя, благовестити нищым посла мя, исцелити сокрушенныя сердцем, проповедати пленником отпущение и слепым прозрение, нарещи лето Господне приятно и день воздаяния; утешити вся плачущыя, дати плачущым Сиона славу вместо пепела, помазание веселия плачущым, украшения славы вместо духа уныния, и нарекутся родове правды, насаждение Господне во славу. Да возрадуется душа моя о Господе: облече бо мя в ризу спасения и одеждею веселия одея мя: яко на жениха, возложи на мя венец, и, яко невесту, украси мя красотою. И яко земля, растящая цвет свой, и яко вертоград семена своя прозябает, тако возрастит Господь, Господь правду и веселие пред всеми языки. Сиона ради не умолчу и Иерусалима ради не попущу, дондеже изыдет, яко свет, правда моя и спасение мое, яко светило, разжжется. И узрят языцы правду Твою, и царие славу Твою, и прозовут Тя именем новым, имже Господь наименует е. И будеши венец доброты в руце Господни и диадима царствия в руце Бога твоего. И не прозовешися ктому оставлен, и земля твоя ктому не наречется пуста: тебе бо прозовется воля моя, и земля твоя вселенная: яко благоволи Господь в тебе, и земля твоя вкупе населится. И якоже живяй юноша с девою, тако поживут сынове твои с тобою: и будет якоже радуется жених о невесте, тако возрадуется Господь о тебе.
На литии стихиры, глас 4-й:
Егда Ты, Царю Преславный, /от жидов на заколение ведeн быв,/
велию рaдость с Царицею и Чaды имел еси, /
егда служитель Божій посещaше Тя, слyжбу Божию совершaя. /
Таковаго Благочестиваго Царя и Помaзанника Божия множaйшии от Народа отвратишася,/ како забыша Слово Божие, /призывaющее почитaти Царя, /
и прииде на вся ны гнев Божий. /Сего рaди в покаянии зовeм: /
Господи, подаждь стрaждущей Держaве Российстей,/ предстaтельством Великаго Царя- Искупителя Николая/ от богомерзких жидов избавление//
и возставлeние Престола Правослaвных Царей.
Воспевaем Тя, Царю Николае, многострадaльный Венценосче, /
понeже всех в сeрдце Своeм вмещал еси/
какоже Павел Апостол, алчущаго насыщaя, скорбящаго утешая, /
и страждущему соскорбя, о заблуждающих печалуя,/ осуждeннаго злодея милуя, клевету и непрaвду кротко
снося, /о вере и благочестии ревнyя,/ слaву и богaтство мiра
сего ни во что же вменяя, /пaче же отягощаяся ими, попечeние
о мире всего мiра имея, /любовию ко всем пламенея./
Приими и нас в сердце твое, о многострадальный Царю-искупителю, /и моли милостиваго Бога, //да помилует нас, и подаст нам крепость подражатели Твои быти.

Слава, глас 8

Не о славе Царства земнаго попечение имел еси,/
славный Царю-искупителю Николае, /егда венчание на Царство и миром помазание восприял еси, /но помышлял еси о славе
Божией и о Царстве Небесном,/ в молитве пред Народом
глаголя: /Владыко мой и Господи,/ настави мя и вразуми в
великом служении сем,/ да будет со мною Твоя Божест‐
венная Премудрость,/ посли ю с Небес Святых Твоих,/ да
разумею, что есть угодно пред Очима Твоима, /и что есть
право по заповедем Твоим,/ буди сердце Мое Тобою
управлено, /еже все устроити ко славе Твоей,/ и к пользе
душевней врученных Мне людей. /Сия молитва угодна
бысть пред Богом, /и ныне, како одесную Ему предстояй, /не престай мо‐
лити Бога о пользе духовней Твоих людей, /како да милостив будет к ним,// подая нам оставление грехов, мирови велию милость.
И ныне, Богородичен:
Богородице, Ты еси Лоза истинная, / возрастившая нам Плод Живота, / Тебе молимся, / молися, Владычице, / с Царем-Искупителем Николаем и Святым Семейством Его, / помиловати душы наша.
На стиховне стихиры, глас 5-й:
Подобен: Радуйся:
Радуйся, Царю Николае, / Помазанниче Божий, / Российския Державы хранителю / и Веры Православныя Благочестивый ревнителю, / о мире всего мiра попечителю, / заблуждших истинный вразумителю, / скорбящих, алчущих и страждущих утешителю, / молитвенниче о всех теплейший, / ныне к Тебе прибегаем, / Божий угодниче и Жертво всеусердная, / моли спастися душам нашим.
Стих: Вознесох избраннаго / от людей Моих.
Радуйся, Царю Николае, / Богом от рождества на на Подвиг искупления уготованный / и, якоже Иов многострадальный, / праведность во страдании явивый, / ныне же с Небесным Царем царствуяй, / молися о Державе Российстей / и о Благочестивейшем Царе ея.
Стих: Елеем святым моим / помазах Его.
Радуйся, Царю Николае, / славо и красото Российских Царей и Князей, / якоже святии страстотерпцы и мученицы / Борис, Глеб и Андрей, / от ближних Твоих предан быв, / убиение от сатанина войска приял еси, / ныне же молишися о прощении врагов Твоих / и спасении душ наших.
Слава, глас 8-й:
Подобен: О, преславнаго чудесе:
Искупителю Царю Николае, / от юности Царя Силы возлюбил еси, / да Ему до смерти последуеши, / якоже Церковь проповедует: / слава Христа Бога / Крест и Воскресение. / Ныне же славу Небесную от Христа приемый, / приими и земное прославление / и моли спастися душам нашим.
И ныне, глас и подобен тойже:
О, преславнае чудесе! / Небесе и земли Царица, / от Святых сродников наших умоляемая, / до ныне Землю Русскую покрывает / и Лика Своего изображении милостивно обогащает. / О Владычице Державная! / Не престани и на будущее время / во утверждение на Руси Православия милости и чудеса изливати до века. Аминь.
Тропарь Царю-искупителю, глас 4.
Жертве Христовой в подобие,/ яко Агнец Непорочный,/ волею полагаешися во искупление/ греха измены Народа Русскаго,/ Царству в себе раздельшемуся,/ в Себе же даруеши исцеление,/ Святый Царю-искупителю Николае,/ страдания Твоя смертная славим,/ ими бо Царствие воскрешается/ во славу Бога - Царя Небеснаго,/ и во спасение душ наших.

Тропарь, глас 4-й:

Днесь, людие Русские, светло почтим / седмерицу честную Царственных Подвижников, / Христову едину домашнюю церковь: / Николая и Александру, / Алексия, Ольгу, Татиану, Марию и Анастасию, / Тии бо, уз и страданий многоразличных не убоявшеся, / от богоборных смерть и поругание телес прияша / и дерзновение ко Господу в молитве улучиша, / Сего ради к ним с любовию возопиим: / О святии Страдальцы Царственнии, / гласу покаяния и стенанию Народа нашего вонмите, / Землю Рускую в любви к Православию утвердите, / от междоусобныя брани сохраните, / мир мiрови у Бога испросите / и душам нашим велию милость.
НА УТРЕНИ.
На Бог Господь: тропарь Царю-искупителю дважды.
Слава, и ныне: Богородичен, глас 4:
Еже от века утаенное / и Ангелом несведомое таинство: / Тобою, Богородице сущым на земли явися Бог, / в неслитном соединении воплощаем, / и Крест волею нас ради восприим, / имже воскресив первозданнаго, / спасе от смерти души наша.
По 1-м стихословии седален, глас 8.
Подобен: Повеленное тайно.
Попечение имел еси о Вере Православней, Боговенчанный Царю Николае, от Апостол Церкви нашей преданней, разумея Ей быти Русской Земли утверждением.
Слава, и ныне: Богородичен:
В поношении и обдержании языков есмы, вси бо преогорчихом Сына Твоего, и той посети ны прещением Своим, но умоли Дево Пречистая, от Тебе рождшагося, аще не до конца прогневался есть, да простит и помилует Державу Российскую.
По 2-м стихословии седален, глас 8.
Подобен: Премудрости:
Егда богоборные мучителие заточиша Тя с Царицею, Чады и верными слуги Твоими, тогда взывал еси псаломски: помяни, Господи, Давида и всю кротость Его. И послан бысть Тебе, Царю Николае, кроткому и смиренному сердцем, венец Велий, сего ради моли спастися душам нашим.
Слава, и ныне, Богородичен:
Востани, Владычице Державная, и облечется Русь Святая в крепость свою, и вода желчная от полыни будет нам яко мед, да напитаемся теснотами, яже от Зиждителя суть, и восхвалим Державу Твою.
Величание:
Величаем, величаем Тя, Святый Царю-искупителю Николае, и чтим Христоподобный Подвиг и Страдания Твоя, яже за грех измены Народа Русскаго претерпеть изволил еси.
Величаем Вас, / Святии Царственнии Новомученицы, / и чтим честная страдания ваша, / яже за Царя/ для Воскресения Руси/ претерпели есте.
а. Бог нам прибежище и сила,
б. Помощник в скорбех, обретших ны зело,
а. Сего ради не убоимся, внегда смущается земля.
б. Боже, кто уподобится Тебе, да не премолчиши, ниже укротиши, Боже.
Слава, и ныне. Аллилуиа [трижды].
По полиелеи седален, глас 3:
Днесь Царь-искупитель с Семейством предстоят Царю царствующих и Господу господствующих и с Державною Владычицею непрестанно молят Бога: спаси, Господи, люди Твоя и благослови достояние Твое, Державу нашу Российскую помилуй, Милостиве Вседержителю, во веки веков. Аминь.
Слава, и ныне, Богородичен, глас тойже:
Вострубим трубою песней, воспоим согласно Царице Богородице: радуйся, Заступнице Усердная, благоволением Твоим Отечество наше от лет древннх покрывающая и благодать тому источающая. Темже, тобою хвалящеся, глаголем : Твои бо есмы раби, да не постыдимся.
Степенна, 1-й антифон 4-го гласа.
Прокимен, глас 4:
Пролияша кровь их, / яко воду.
Стих: Вменихомся яко овцы заколения.
Всякое дыхание:
Евангелие от Матфея, зач. 36

Cлава: Молитвами Святаго Царя-искупителя Николая, Милостиве, очисти множество согрешений наших.
И ныне: Молитвами Богородицы:
По 50-м Псалме стихира, глас 6:
Помазанниче Христов, / Царю Николае, / по имени Твоему житие Твое. / Сего ради врази Твои / не возмогша сокрыти славу Твою. / Кроток бысть и молчалив во страданиих Твоих, / прося не мстити за Себе. / Житие твое оклеветано бысть, / кончина же Твоя с Новомученики святыми славна. / Сего ради моли Христа о душах наших.
Канон Св. Царю и Новомученикам
ПЕСНЬ 1
Ирмос:Грядите, людие, поим песнь Христу Богу, раздельшему море и наставльшему люди, яже изведе из работы египетския, яко прославися.
Святый Царю-Искупителю Николае, моли Бога о нас.
Богоспасаемаго земнаго Отечества быв слава и глава, Небеснаго Отечества наследник показался еси, благоверне Царю Николае, пролитием крове твоея неповинныя, в немже ликуя со Ангелы поеши едино Божество Святую Троицу.
Святии Царственнии Новомученицы, молите Бога о нас.
Венценосче Николае, вкупе с Небесным Воинством, Царицею,Чады и слуги, предстояще у Престола Христова, просвещение нам даруйте, озаряющее душ наших омрачение и нечувствие, яко да восхвалим радостно вашу блаженную память.
Слава: Венец больший, многими святыми прочествованный, далече предведевый, душу Свою за Святую Русь и за люди Своя безропотно положил еси, Святый Царю, темже во славе на Небесах Престолу Царя Славы со благоверным князем Владимiром предстоиши, с ним же выну предстательствуй о нас.
И ныне: Богородичен: Суд гневен прииде на ны и разсыпася радость людей Твоих, Богородице, вси бо плачем и рыдаем, и тако глаголем: о мечу Божий, доколе не упокоишися? Престани убо, пощади ны, и воспоем Державу Владычицы нашея, славно бо прославися.
ПЕСНЬ 3
Ирмос:На Камени мя Веры утвердив, разширил еси уста моя на враги моя. Возвесели бо ся дух мой, внегда пети: несть Свят, якоже Бог наш, и несть праведен паче Тебе, Господи.
В день Иова многострадальнаго родивыйся, многия страдания претерпел еси: поношение, измену, изгнание, лютое убиение и по смерти клеветы на имя Твое честное, обаче не от человек, но от Господа восприял еси воздаяние, темже исходатайствуй сыновом Русским спасение.
Изменил еси диадиму Царствия земнаго на венец нетленный Царствия Христова, и за Скиптр Крест в руку приим, со Царицею и чады ныне веселишися.
Авсидитийстего Иова житию всекрасному уподобися житие Твое, Святый Царю: не токмо бо честь и славу, и венец Царский, но и жизнь самую покусися сатана у Тебе отъяти, обаче побежден Тобою явися.
Богородичен: Прибежище, вышший покров Тя имамы, Благословенная Мати Божия, Твоею помощи сохрани и заступи нас, всепетая.

Седален
Кто убо Свят, аще не искупитель Царь Николай? Немы да будут уста льстивыя, глаголющия на праведнаго беззаконие: аще ли не возлюби Христа от юности, яко Борис и Глеб? Аще ли Веру Святую во искушениих не соблюде, яко Иов? Аще ли чада во благочестии не воспита, яко София премудрая? Аще ли церкви Божия не воздвиже, яко Юстиниан? Аще ли святыя не прослави, яко Макарий? Аще ли братий не защити, яко Елезвой? Аще ли венцем Велиим не увязеся, яко Предтеча Иоанн? Аще ли за убийц не молися, яко Стефан? Аще ли за Святую Русь душу свою не положи, яко князь Михаил? Аще сих чтем, того паче прославим, есть бо жертва искупительная за ны.
Слава, и ныне: Богородичен
Егда предстану пред лицем Создателя моего в день праведнаго суда Его, тогда, Владычице, предстани ми, и вечныя муки избави мя, да не сниду во ад, но да спасуся Твоим, Пресвятая Богородице, заступлением.
ПЕСНЬ 4
Ирмос:Пришел еси от Девы, не ходатай, ни Ангел, но Сам, Господи, воплощся, и спасл еси всего мя человека. Тем зову Ти: слава силе Твоей, Господи.
Вверенный Тебе талант державный, Николае, не в земли сокрыл еси, яко раб неключимый, но делав, яко раб бодрый Своего Владыки, Егоже и многосугубым Тому принесл еси.
Чашу страданий за Христа испиша, и крещением, имже Христос крестися, крестишася Святии Новомученицы Царственнии, темже и Отец Небесный Вас одесную Себе в Царствии Небеснем посади.
Да совершится воля Божия, рекл еси, о Святый Царю, темже в жертву благоприятну Себе самаго принесл еси во спасение Русския Земли.
Богородичен: Разумейте, непокоривые языцы, и не хвалитеся о мышце своей, зане един есть Град несокрушим, и сия Твоя, Приснодево, Держава и Царство, еже и стоит до скончания века.
ПЕСНЬ 5
Ирмос:Света подателю и веков Творче, Господи, во свете Твоих повелений настави нас; разве бо Тебе иного Бога не знаем.
Храмы Божии создал еси многи и Святыя угодники Христовы прославил еси, с ними же ныне в Неприступнем Божества храме светло ликовствуеши.
Преподобнаго Серафима проречение исправляя: Царя, мя прославльшаго, аз прославлю: мощи сего из под спуда на Всероссийском свещнице поставил еси, богомудре Николае, егоже молитвами укрепляемь, Подвиг славный скончал еси.
Новаго Николая Мирликийскаго стяжа тя в предстательствах Русь Святая, Царю-искупителю Николае, положил бо еси душу Твою за люди Твоя и чашу страданий за люди согрешившия испил еси, иному бо богу разве Христа не поклонился еси.
Богородичен: Богородице всех Царице, православных похвало, еретичествующих шатания разори, мир же подаждь чтущим, Пречистая, честный Твой образ.
ПЕСНЬ 6
Ирмос: Во глубине греховней содержим есмь, Спасе, и в пучине житейстей обуреваем, но якоже Иону от зверя, и мене от страсте возведи, и спаси мя.
Не прикасайтеся к Помазанным Моим, глаголет Господь, обаче забыша сия людие Твои, Господи, и отступиша от Государя. Приими убо, Владыко, молитвы Державнаго молитвенника, во искупление греха измены нашей.
Врачевания и чудеса точите, Святии Новомученицы, людем, верою к Вам притекающым, темже печаль нашу на радосгь преложите молитвами Вашими.
Немы да будут уста льстивыя, глаголющии яко не за Христа пострада Святый Царь: сами бо скверноубийцы на стене дома Ипатиева тайными знаки о том написаша, мняще удерживающаго зло от Святыя Руси отъяти, обаче Сама Владычица Небесная совет тех разори.
Богородичен: Нощь и мрак, и воды пререкания люте истязают землю Твою, се убо прещение Божие и гнев Того есть, но молим Тя, Пречистая, и глаголем: аще хотящи можеши, и вемы, яко умолит Отроковица за Державу Свою.
КОНДАК, глас 3.
Николаю Мирликийскому тезоимените, Иову Многострадальному жизнью уподобившийся, Себе в Жертву за измену Народа Русскаго отдавый, Святый Царю-искупителю Николае, моли всемилостиваго Бога укрепити Державу Российскую с Благоверным Императором ея, и спасти души наша.
ИКОС
Зря веру Христову Благочестивым Царем во Державе Российстей укрепляему, и не терпя сего, врази Божии погубити христолюбиваго Императора Николая умыслиша, и предаша его неповинной смерти со Благочестивою Царицею и Чады и слуги и со всем Царственным родом, но прельстишася, яко путь нечестивых погибнет, праведницы же во веки живи будут, и вместо пагубы и вреда сотвориша их славныя мученики и заступники пред Богом. Кровию их страна Российская, жиды угнетаемая, спасена будет, понеже кровь сия семя новой жизни во Христе есть, тех молитвами, Господи, помилуй нас.
ПЕСНЬ 7
Ирмос:Образу златому на поле Деире служиму, трие Твои отроцы небрегоша безбожнаго веления, посреде же огня ввержени, орошаеми пояху: благословен еси, Боже отец наших.
Целомудрию Твоему и чистоте поругатися ищуще, нечестивии бесоводимии Тебе избраша отцу своему диаволу пожрети желающе, но явился жертвой Господеви непорочной, сострадальцем Спасовым, Царю-искупителя, вопиюще: благословен Бог Отец наших.
Аще и умолкоша мнози страха ради иудейска о убиении Царственных Узников, камение же возопиша: из стен бо дома Ипатиева кровь сочися, ничем же смываемая, во обличение не ведущим пети: благословен Бог отец наших.
Восхотевше и самую память о Царственных Мученицех исторгнути, богоубийц чада дом Ипатиева разрушиша. Оле таковаго безумия! Обаче Господь храмы мучеником сердца людския сотвори, благочестно Царя чтущих и вопиющих: благословен Бог отец наших.
Богородичен: Царица всех пришедши Святою иконою Своею Державною, Небесный кров на славу нам устави, имже спасаемся от видимых и невидимых враг нахождения, Сыну Ея вопиюще: благословен Бог отец наших.
ПЕСНЬ 8
Ирмос:В пещь огненную ко отроком Еврейским снисшедшаго, и пламень в росу преложшаго Бога, пойте дела яко Господа, и превозносите во вся веки.
Святая Царица-Новомученица Александро, моли Бога о нас.
Царства земнаго славу презревши, единаго Христа, нас ради Распятаго, возлюбила еси, и Того мужественно исповедающи, венцем мученическим увенчалася еси, всеблаженная Царице Александро Новая, темже ныне Престолу Царя Славы на небесах предстоящи, поеши, Господа пойте дела и превозносите во вся веки.
Святый Царевиче-Новомучениче Алексие, моли Бога о нас.
Царем и мучителем преклониша выи своя на убиение древнии мученицы, тех подобным бысть Алексий Царевич, кровь свою неповинную на истерзание отдав убийцем жестоковыйным, взывая, Господа пойте дела и превозносите во вся веки.
Заповедал еси нам, Святый Царю, не мстити за убиение Твое, глаголя яко зло еще умножится в Земле Русстей, обаче не зло победит зло, но токмо любовь: темже моли нам любовь к Богу и ближним стяжати.
Богородичен: Позлащенною ризою, якоже Царицу, Сын Твой просветив зарею Духа, Тебе одесную Себе постави, Пречистая, Егоже превозносим во вся веки.
ПЕСНЬ 9
Ирмос:От Бога Бога Слова неизреченною мудростию пришедшаго обновити Адама, ядию в тление падшаго люте, от Святыя Девы неизреченно воплотившагося нас ради, вернии единомудренно песньми величаем.
Добро было вам не родитися, нечестивии мучители, зане отраднее будет Содому и Гоморре в День Судный, неже Святаго Царя убийцем, того молитвами, Господи, утверждай православных Веру.
Святии Новомученицы-Царевны, молите Бога о нас.
Все желание девы Святии Ольго, Татиано, Марие и Анастасие, стяжавше ко Единому Владыце, жительства красоту и славу Царствия вменисте яко сон, вопиюще, Господа пойте дела и превозносите во вся веки.
Язвы на мученическая Ваша телеса возложенная, язвы врагу спасения нашего явишася, демонов победителие, Царственнии Новомученицы блаженнии, от их же мучительства избавите души наша.
Богородичен: Ярость адова и та не возможет на ны, зане Свят есть храм Твой, и о семене Твоем клятся Давид, непрестающа хвала Твоя и Держава Твоя до скончания века.
Светилен:
Невечернему свету предстояще, Святый Царю Николае со Славным Семейством Своим, с мученическими лики, во испытаниих не оставляйте ны молитвами вашими.
Слава,и ныне, богороднчен:
Рождшая Свет Незаходимый, просвещающий седящих во тьме неведения и прелести, озари и нас, грешных, Светом Сына Твоего.
На хвалитех стихиры на 4, глас 8.
Подобен: О, преславнаго чудесе:
О, преславнаго чудесе! / Святии Царственнии Страдальцы седмочисленнии / в годину страданий за Христа / сохраниша любовь и верность Ему, / друг друга тяготы носяще / и тако исполняюще закон Его, / сего ради ныне на небеси царствуют / и дерзновенно молятся / о спасении душ наших.
О, Боговенчанный Царю Николае, / славный слуго Владыки Христа, / хранителю Церкви и защитителю, / избранный Богом Ея покровителю, / великаго Иустиниана подобниче, / вонми гласу моления нашего, / прости, защити и укрепи / заблуждших чад Твоих, / да верою и любовию прославим прославльшаго Тя.
О, преславнаго чудесе! / Святая Новомученица Царица Александра, / в горцем заточении от богоборцев бывши / и чающи смерти за Христа, / вкупе с четверицею дев мудрых, дщерей Своих, / се, Жених грядет, глаголала./ Уготовим светильники Своя, / да внидем в чертог Его / и облецемся вси одеждею славы Его.
О, благоверный Царевичу Алексие, / во смирении сердца Ты глаголал еси: / внегда Мне царствовати, / да не обрящутся нищии и убозии. / Егда же крестным путем жития Твоего/ и мученическою Твоею кончиною/ в Царство Небесное возшел еси / идеже имея дерзновение велие, / молишися о всех, требующих Твоея помощи.
Слава, глас тойже:
О Святая седмерице Царственная, / Христова похвало и славо! / Соизволением Отца Безначальнаго, / совершением Сына Единороднаго / и содействием Святаго Духа / мученицы за Веру показастеся / и Царствия Божия причастницы соделастеся. / Приимите покаяние наше / и молите Триединаго Бога / Державу нашу Российскую / в Православии и единомыслии неколеблему сохранити, / Царя нашего укрепити/и спасти души наша.
И ныне, глас тойже.
Подобен: О. преславнаго чудесе:
О, преславнаго чудесе! / Небесе и земли Царица, / от святых сродников наших умоляемая, / до ныне Землю Русскую покрывает / и Лика Своего изображения милостивно обогащает. / О Владычице Державная! / Не престани и на будущее время / во утверждение на Руси Православия / милости и чудеса изливати до века. Аминь.
На литургии: Блаженна песнь 3-я и 6-я на 8. Прокимен глас 4: Тебе ради, Господи, умерщвляеми есмы весь день. Стих: Вменихомся яко овцы заколения. Апостол к римляном, зачало 99. Аллилуиа, глас 1. Стих: Бог нам прибежище и сила, помощник в скорбех обретших ны зело. Стих: Господи, спаси царя и услыши ны, воньже аще день призовем тя. Евангелие от Иоанна, зачало 52. Причастен: Господи, спаси Царя и услыши ны, воньже аще день призовем Тя.