Акафист Царю-Мученику Павлу I

Богоизбранный Страстотерпче и Венценосный мучениче Христов! Послушанием, даже до смерти, Сыну Божию преславно уподобивыйся, и яко благоверные князие Борисе и Глебе жизнь свою в руци мучителей, Господа ради, благою волею предавый; молися о нас, верою и любовию чтущих тя, и яко отцу и Государю нашему поющих: радуйся, благоверный страдальче Христов, Царю мучениче Павле, Император Всероссийский.

Кровь твоя вопиет от земли к Богу, якоже кровь Авеля, мучениче Венценосный Павле, Царю Российский, взывая ко Вседержителю гласом великим глаголюще: доколе, Владыка Святый и Истинный, не судиши и не мстиши крови моея от живущих на земли; и приемлет благостное речение Бога твоего: да почиеши еще время мало, дондеже скончаются и сродницы и братия твои имущии избиени быти, якоже и ты . Мы же, взирая на мученичество твое и Послушание Владыце Христу следовать за Ним на Крест, величаем и молим тя вопиюще:

Радуйся, страдальче Царственный, Богом избранный;

Радуйся, приемый, из уст праведнаго Авеля, послушание следовать путем мученическим, яко из уст Христа;

Радуйся, прошедый путем сим и все претерпевый до конца;

Радуйся, благословенный мучениче, грядый во след Господа твоего;

Радуйся, паче Христа никого же убоявыйся;

Радуйся, сим страхом Божиим победивший злобу мучителей твоих;

Радуйся, яко победитель смерти явился еси;

Радуйся, яко всем чтущим тя, даруеши победу сию;

Радуйся, благоверный страдальче Христов, Царю мучениче Павле, Император Всероссийский.

Счету букв изречения сего: Дому сему подобает твердыня Господня в долготу дний, написаннаго на замке твоем, подобно будет число лет твоих в житии сем временнем, рекл ти преподобный Авель, вещая о кратости земнаго царствования твоего, благоверный Царю. Ты же со смирением приняв слово его, склонил главу свою под благое иго Христово, повинуяся Ему; сего ради долготою дний вечных исполни тя Господь во Царствии Своем, Емуже в лике мученическом поеши песнь: Аллилуиа.

Добрей земли уподобился еси, мучениче Царственный, егда услыша слово Авелево о тебе реченное, разумел в сем волю Господа Христа, и смирися зело пред Ним, предав душу свою в руци Его; сего ради плод мученичества твоего, во сто крат принесенный, прият Господь яко жертву чисту и непорочну; мы же молим тя, многострадальный Царю: напитай и укрепи плодами страданий твоих и нас, во смирении и любви тебе зовущих:

Радуйся, не противыйся злобе убивающих тя, ради Господа своего;

Радуйся, Его ради, не сошедый со Креста;

Радуйся, дверьми мученичества в Царство Божие вошедший;

Радуйся, Жемчуг Драгоценный - Христа Бога, во страдании своем нашедший;

Радуйся, в Страстную седмицу претерпевший сии страдания твои;

Радуйся, Пречистыми Страстями Сына Божия насладивыйся;

Радуйся, яко питием от Чаши Его насытился еси;

Радуйся, яко честна пред Господом, воскресившим тя с Собою, смерть твоя;

Радуйся, благоверный страдальче Христов, Царю мучениче Павле, Император Всероссийский.

Помилуй мя, Владыко, ради святаго мученика Твоего, и молитвами его прости мне беззакония мои: зане Ты милуеши падших, ради закланных агнцев Твоих, поющих Ти: Аллилуиа.

Всесильную помощь познал еси во страдании твоем, Царю мучениче Павле, ради упования твоего на Главу мучеников Иисуса Христа. Ведал бо яко зело немощна плоть наша, и сего ради бодрствуя прилежно, силою Его победил немощь сию. Умоли же ныне Господа: яко да не отвержет нас от Лица Своего за грехи наши, но Духом Жизни оживит Своих рабов тебе поющих:

Радуйся, прилежным бодрствованием страхования вражии отгнавый;

Радуйся, главу свою под удары мучителей, Господа ради, предавый;

Радуйся, главу змия древнего смирением таковым сокрушивый;

Радуйся, образ мужества агнцам Христовым явивый;

Радуйся, любовию зло побеждающий;

Радуйся, врагов любити нас научающий;

Радуйся, яко сынами Отца Небеснаго, уповающих на тя соделываеши;

Радуйся, яко к совершенству Богоподобному, их приводиши;

Радуйся, благоверный страдальче Христов, Царю мучениче Павле, Император Всероссийский.

Стопы моя направи по словеси Твоему, Слове, яже речет: не бойтеся убивающих тело, души же не могущих убити; сим бо путем благоверный страстотерпец Царь Павел пройде, свидетельствуя о победе Твоей над смертию, Христе Царю, и воспевая Ти: Аллилуиа.

Воинства Небеснаго предводитель, Архистратиг Михаил, яко воина доблестнаго причисли тя к рати своея, достославный Царю Павле; и чрез откровение чудное повеле ти воздвигнути храмину во имя его. В сем бо доме, Господу повинуяся, жизнь свою в руци мучителей предал еси; и сим, яко Архангел оный, святою ревностию по Бозе и послушанием, от Творца отпадших сокрушил еси, слыша от ангелов и человецев таковая:

Радуйся, Архистратига силы Господней ангелом хранителем имевый;

Радуйся, силу на враги видимыя и невидимыя от него восприявый;

Радуйся, мечем огненным послушания сих уязвивый;

Радуйся, образ мужества и терпения людем твоим показавый;

Радуйся, воине добропобедный Царя Небеснаго;

Радуйся, рабе благий и верный Господа твоего;

Радуйся, муки душевные и телесные, Богоугодно претерпевый;

Радуйся, ангелы светлыми ко престолу Его вознесенный;

Радуйся, благоверный страдальче Христов, Царю мучениче Павле, Император Всероссийский.

В ночь вольнаго мученичества твоего, ангели Божии благовестиша ти, страдальче Царственный, глаголя, яко ныне прославися Сын 

Человеческий и Бог наш в душе твоей, Его ради добровольно страждущей; сего ради и Господь прославит тя в Себе, и вскоре прославит, да воспоеши Ему: Аллилуиа.

Глаголу Авеля Вещаго внимая о мученичестве твоем, и о судьбе Отчизны нашея, страстотерпче Венценосный благовернейший Царю Павле, повеле сему преподобному отцу написати словеса проречений его, и в сотое лето от кончины твоея, потомку твоему заповеда прочести я: да уразумеют вси святыню, юже обеща Господь Царственному Дому твоему, и воспоют ти таковая:

Радуйся, проречений Божиих исполнение;

Радуйся, Царей Российских опора и утверждение;

Радуйся, обетование предивное о Царственном роде твоем от Господа получивый;

Радуйся, грядущии судьбы Державы Российстей познавый;

Радуйся, многострадальнаго Царя Николая на крестный путь запечатленным посланием своим благословивый;

Радуйся, образ несения креста и послушания, даже до смерти, ему показавый;

Радуйся, всем страждущим, Господа ради, всесильное укрепление;

Радуйся, всем любящим и чтущим тя, хадатаю спасения;

Радуйся, благоверный страдальче Христов, Царю мучениче Павле, Император Всероссийский.

Архангел Михаил, дивный покровитель Государей Русских, в лета древняя, Моисею пребожественному предстатель бысть; та же в новой 

благодати первому Православному Царю Константину невидимо покровительствовал, враги его побеждая; и оттоле даже доныне всем 

благочестивым Царем пособствует; егоже попечения сугубо сподобился еси, Царю святый, воспевая Творца и Вадыку всех бесплотных сил, и поя Ему: Аллилуиа.

Якоже Апостол языков, божественный Павел, рек, яко по влечению Духа идет во Иерусалим скорби и узы прияти; тако и ты, мучениче 

святый, подобно сему небесному покровителю своему, слову Духа Божия, чрез пророка Его реченному повинуяся, жизнь свою в руци 

мучителей предал еси; сего ради, ведущи преславный подвиг твой, воспеваем тя сице:

Радуйся, подобно Апостолу, смерть за Христа паче жизни возлюбивый;

Радуйся, Духу Святому всецело покоривыйся;

Радуйся, силою Возлюбившего ны все до конца претерпевый;

Радуйся, Господом ти повеленное совершивый;

Радуйся, мужеством своим мучителей посрамивый;

Радуйся, терпением врагов невидимых победивый;

Радуйся, с Сыном Божиим ныне прославляешися, зане с Ним страдал еси;

Радуйся, душу свою, ради любви к Нему, положил еси;

Радуйся, благоверный страдальче Христов, Царю мучениче Павле, Император Всероссийский.

Первомученикам Церкви Божией уподобился еси, святый Царю мучениче Павле, зане томлением от демонов усекаем, и беззаконными 

человеки умерщвляем, благодарил Христа Бога в сих страстех твоих, воспевая Ему со Отцем и Духом песнь хвалебную: Аллилуиа.

К любви Своей призва тя Спаситель мира, Венценосный страдальче Христов; о сей бо любви заповеда Господь учеником Своим, глаголя: да любите друг друга, якоже возлюбих вы; ты же сей заповеди Учителя твоего внимая, в жертву умилостивления за грехи наша себе послушно принес еси, мучениче святый, ублажаемый ныне от рабов твоих благодареньми сицевыми:

Радуйся, Господа твоего любовию святою возлюбивый;

Радуйся, в духе и истине Ему верно служивый;

Радуйся, жертва тайная, послушно Богу принесенная;

Радуйся, яко страданий твоих ради, дарует Господь любящим тя спасение;

Радуйся, защитниче наш, мечем Духа враги сокрушающий;

Радуйся, во след тебе грядущим, идти помогающий;

Радуйся, верою в помощь твою, на пути сем, нас укрепляющий;

Радуйся, яко к Пастырю Божественному агнцев Его, на тя надеющихся, приводиши;

Радуйся, благоверный страдальче Христов, Царю мучениче Павле, Император Всероссийский.

Благое иго Христово на себе восприял еси, страстотерпче святый; и смирению, даже до смерти, от Него научился еси; темже в покой вечный с лики мученическими на веки водворился, воспевая Искупителю Богу: Аллилуиа.

Жизни мира сего не восхотел еси, страдальче предоблестный, но к жизни Христа приобщитися возжелел еси; сего ради возненавидел тя мир, яко и Господа твоего прежде тебе возненавидел; ты же, послушанием Христоподобным злобу сию победил еси; и ныне, яко мученик 

добропобедный, сицевые величания приемлеши от чтущих тя:

Радуйся, силою Христа страсти мира сего сокрушивый;

Радуйся, зло смирением победивый;

Радуйся, яко к Страданиям Своим Сын Божий тя приобщил еси;

Радуйся, яко кровь, Его ради, пролил еси;

Радуйся, се бо мзда твоя многа на Небеси;

Радуйся, ты бо похвала соработников твоих на земли;

Радуйся, яко дом Троицы: сиречь душу свою, страданьми очистил еси;

Радуйся, яко Доброта Безначальная: сиречь Бог наш, в доме сем обитель Себе сотворил еси;

Радуйся, благоверный страдальче Христов, Царю мучениче Павле, Император Всероссийский.

От неверных слуг смерть мученическую восприял еси, Помазаниче Божий и мучениче Павле, яко провеща ти о сем блаженный Авель, рекше, яко на Софрония Иерусалимского, во усыпальнице своей, оными злодеями убиен будеши; ты же неверность сих заблудших верностию Христу Богу посрамил еси, благодаря Призвавшаго тя ко жребию мученическому, и поя Ему: Аллилуиа.

Господом царствуя, Ему Единому послушлив явился еси, мучениче святый; и яко благовер-ный Царю, во всем Ему повиновался еси; егда же благослови тя Христос положити душу свою за люди твоя, яко жертву благовонну за грехи наша, тогда наипаче усердно повиновался Богу твоему, знаменуя сим любы твою к Распеншемуся за ны; мы же, ублажая сию жертву любви, сицевые славословия ти приносим:

Радуйся, Царем над людьми Божиими от Господа поставленный;

Радуйся, в правде и истине Ему служивый;

Радуйся, страданиями своими Вседержителя прославивый;

Радуйся, душу за други твоя положивый;

Радуйся, благоверным Царем образ послушания Христу Богу показавый;

Радуйся, пример любви к народу своему им давый;

Радуйся, яко скипетром, Богом ти данным, врагов Отечества и до ныне сокрушаеши;

Радуйся, яко милости непрестанные, чтущим и любящим тя, обильно являеши;

Радуйся, благоверный страдальче Христов, Царю мучениче Павле, Император Всероссийский.

Наг аз изыдох от чрева матери моея, наг и отъиду тамо; буди же Имя Господне благословенно во веки, рек Иов в скорби своея, благодаря за все и благословляя Тя, Господи; тако и богославный Павел, его же Ты поставил Царем народу Твоему, ризы мира сего презрев, в ризы Духа облеклся еси во страдании своем, благодаря и воспевая Тя, Пресветлая Троица, глаголом хвалы: Аллилуиа.

Внимая словеси, иже речет: яко несть пагубнее человеку, аще пойдет противу Помазаника Божия; и несть лучшее человеку, аще возлюбит его и послужит ему: не страха ради, но от любви сыновней, ублажаем тя, Царю святый, глаголя:

Радуйся, терпящим Господа поможение;

Радуйся, от прелести вражией избавление;

Радуйся, по стезям Духа путевождение;

Радуйся, в скорбех и немощех укрепление;

Радуйся, Христоподобно жити нас научающий;

Радуйся, в жизнь Богочеловеческую ны вводящий;

Радуйся, яко для мира сего, помощию твоею, умираем;

Радуйся, яко для Троицы Пребожественней, тобою, оживаем;

Радуйся, благоверный страдальче Христов, Царю мучениче Павле, Император Всероссийский.

Кондак 11

Сын терпения был еси в страстех твоих, мучениче святый: зане возжелал еси с Сыном Девы терпети; яко да с Ним прославишися, и воспоеши Его со Отцем и Духом победною песнию: Аллилуиа.

В сонме святых и благоверных царей и цариц, князей и княгинь, Богоизбраннаго Царственнаго Дома твоего, Престолу Божию ныне 

предстояще, моли о нас, рабех твоих, яко мученика Христова благоговейно чтущих тя, и православно величающих:

Радуйся, Царственное Древо Рода Романовых струями мученичества своего оросивый;

Радуйся, царя Николая и царицу Александру, с благоверными чадами их, примером своим укрепивый;

Радуйся, яко тьма клеветы, света святых страданий твоих не объяла еси;

Радуйся, яко велий грех цареубийц, Господь ныне обличил еси;

Радуйся, душею народа Божия понятый и прославленный;

Радуйся, молитвам и молениям людей Отечества твоего внемлющий;

Радуйся, всех к гробнице твоей притекающих, скорое услышание;

Радуйся, сердец неправедных и жестоких предивное умягчение;

Радуйся, благоверный страдальче Христов, царю мучениче Павле, Император Всероссийский.

Отрасль благословенная твоя, Павле добропобедный, святый страстотерпец царь Николай, восхоте прославити тя в сонме святых мучеников Церкви Российския; мы же, желанию сердца его внемлюще, и святость подвига твоего ведуще, сицевыми глаголы тя прославити потщилися еси. Даруй же нам, Помазаниче Божий, не усты токмо, но наипаче делы прославля-ти имя твое, подражая ти в твоей любви и верности Христу Царю и Богу нашему, Ему же ныне поеши песнь хвалы: Аллилуиа.

Благословение мученическое, на главе твоей пребывающее ведуще, молим тя, благоверный Царю: испроси у Господа сил спасение людем 

твоим, и Державе нашей Российстей от ига безбожнаго, о нем же вещий Авель рекл еси, избавление; да молитвами твоими и предстательством, обрящем умилостивление в очах Божиих, поюще ти, яко другу Его и ходатаю за ны таковая:

Радуйся, народа твоего с Богом, примирение;

Радуйся, от ига жидовскаго, избавление;

Радуйся, в скорбех наших, опора и утешение;

Радуйся, чрез скорби сии, очищение нам и освящение;

Радуйся, войнов Христовых, царю и воеводо добропобедный;

Радуйся, немощных в вере, даже до смерти, научаеши быть Боговерными;

Радуйся, яко молитвами твоими, Россия фимиамом Богопочитания исполнится;

Радуйся, яко чтущии тя благочестно, спасутся;

Радуйся, благоверный страдальче Христов, Царю мучениче Павле, Император Всероссийский.

Сию песнь любви во смирении к тебе вознесенную, прияти не отвратися, страстотерпче Христов и Царю наш Павле; зане внимая Слову 

Божию, иже речет, яко много может молитва праведного споспешествуема: к тебе, яко праведнику Его, вси во грехах и нерадении сущии, 

прибегохом. Предстательствуй же за ны, молим тя, Государю наш, пред Царем царствующих и Господом господствующих за рабы твоя; да тебе ради помиловани будем, и воспоем Человеколюбице Троице: Аллилуиа.

Терпение святых и веру в Господа Иисуса показавый во страдании твоем, Помазаниче Божий Царю Российский Павле! Услыши и приими сие моление, мене грешнаго, прибегающего к предстательству и заступлению твоему. И помяни мя пред престолом Святыя Троицы, ходатайствуя о прощении безчисленных беззаконий моих. Ты бо еси мученик сего благаго и че-ловеколюбиваго Бога нашего, Отца и Сына и Святаго Духа, Триединицы всехвальной и превозносимой во веки. Аминь.

Благоверному князю Михаилу подражая, благою волею жизнь свою в руци мучителей предал еси. Слыша изволение Божие о себе, из уст 

праведнаго Авеля, смиренно рекл еси: се раб Господень, буди же мне по глаголу твоему; и даже до смерти, сей воле Божией, послушлив 

явился еси: указуя сим и нам образ послушания Владыце Христу. О жертва тайная, Богу принесенная! Да укрепит она грешных рабов твоих, благоверный Царю мучениче Павле, Император Всероссийский.

Слыша от праведнаго Авеля о кратости земнаго царствования твоего, не убоялся ни мучителей, ни смерти, но твердо вслед Христу к Голгофе твоей последовал еси. Сего ради с Ним ныне вечно царствуеши, предстоя престолу Его в лике мученическом. Мы же, припадая к любви твоей, смиренно молим тя: заступися, данной ти от Бога благодатию за Святую Русь, и умягчи неправые и жестокие сердца восстающие на ню; зане время заступничества твоего нам возсия, благоверный страдальче Христов, Царю мучениче Павле, Император Всероссийский.

Архистратиже пребожественный Михаиле, мучеников Христовых покровителю, иже даже до крови и смерти ради славы имени Его 

подвизаются! Призри на мя, якоже некогда на возлюбленнаго твоего и богоизбраннаго царя-страстотерпца Павла, и его ради крови мученической, и твоей по Бозе ревности и любви, укрепи мя, соделав единым от воин твоих, Господу в духе и истине служащих.

Ты бо еси всех воинов Царя Небеснаго начальниче, и вернейший служителю Бога нашего, Троицы, Преблагословенной и Препрославленной во веки. Аминь.

Упокой, Господи, душу убиенного раба Твоего императора Павла Первого и его молитвами даруй нам в дни сии, лукавые и страшные, в делах — мудрость, в страданиях — кротость и душам нашим — спасение Твое. Призри, Господи, на верного Твоего молитвенника за сирых, убогих и обездоленных, императора Павла, и по молитвам его святым подай, Господи, скорую и верную помощь просящим через него у Тебя, Боже наш. Аминь.