Пропустить навигацию.
Главная

Победа над галлами 1812 г. Благодарственный молебен

      «Христос рождается, славите!» - несётся над Вселенной, - «Христос с небес, встречайте!» - весь мир воспевает славу Творца. Ангельские силы и человеческий род - вместе прославляют Того, Чья любовь не имеет границ. И, наверное, поэтому Рождество Христово называют «Зимней Пасхой». 

Тропарь праздника:

"Рождество Твое, Христе Боже наш, возсия мирови свет разума: в нем бо звездам служащии звездою учахуся Тебе кланятися Солнцу правды и Тебе ведети с высоты востока: Господи, слава Тебе!"

Кондак праздника:

"Дева днесь Пресущественнаго раждает, и земля вертеп Неприступному приносит, Ангели с пастырьми славословят, волсви же со звездою путешествуют: нас бо ради родися Отроча младо, превечный Бог".


 

Скачать 800 mb


     В Русской Православной Церкви торжественность Богослужения этого двунадесятого праздника возвеличивается еще воспоминанием поражения французов и бегства их из России в 1812г.
     Воспоминание избавления Церкви и державы Российския от нашествия галлов и с ними двадесяти язык в 1812 году.
     Воспоминание совершается в бываемом после Литургии благодарственном молебном пении, а потому не должно смущаться положенным здесь коленопреклонением, так как оно не есть коленопреклонение поста и покаяния, а - выражением благодарения Богу. На этом молебне св. Церковь исповедует Сына Божия Правителем царств и народов и возносит сперва многолетие Государю Императору и всему Его дому, потом вечную память в Бозе почившему Императору Александру Благословенному, избранному Промыслом Божиим для защиты Веры и спасения Отечества, наконец - многолетие воинству. Молитва, читаемая на этом молебном пении (печатаемом особой книжкой) изложена в одних изданиях (1826 и 1882) в более пространном виде, в других (1870) - в сокращении, но в том и другом виде одинаково дозволена для чтения в молебне (Указ. Св. Синода 18.3-4.5.1882).
     Молитва коленопреклоненная из благодарственного молебствия в день Рождества Христова и в воспоминание избавления Церкви и Державы Российския от нашествия галлов, и с ними двадесяти язык:
        Боже Великий и Непостижимый, Отче Безначальный, Собезначальный Сыне, и Душе Соприсносущный, осуществуяй не сущая, спасаяй погибающыя, животворяй мертвыя, творяй по воли Твоей в силе небесней и в селении земнем, и дивным Твоим Промыслом управляяй всяческая! Приклони ухо Твое с высоты Святыя Твоея, и приими от нас смиренных и недостойных рабов Твоих, имже велие Твое от бед и всегубительства спасение явил еси, серцем и усты возносимая Тебе благодарственная сия моления, исповедания и славословия. Яко не по беззаконием нашым сотворил еси нам.

        Ты глаголал еси древле сыновом Израилевым, яко, аще не послушают гласа Твоего хранити и творити вся заповеди Твоя, наведеши на них язык безстуден лицем, иже сокрушит их во градех их, дондеже разорятся стены их: и мы ведехом, яко прииде глагол страшный сей на ня и на отцы наша: обаче, прещения Твоего не убоявшеся, и о милосердии Твоем вознерадивше, оставихом путь правды Твоея и ходихом в волях сердец наших, и не искусихом имети в разуме и сердце Тебе Бога разумов и сердец, еще же и отеческая предания ни во чтоже вменивше, прогневахом Тя о чуждих. Ихже ради, якоже древле сынов Израилевых, тако и нас объят лютое обстояние, и о их же ревновахом наставлениих, сих врагов имеяхом буиих и зверонравных. Но Ты, Господи Боже щедрый, и милостивый, долготерпеливый, и многомилостивый, и истинный, и правду храняй, и творяй милость в тысящи, отъемляй беззакония, и неправды, и грехи, на время мало оставль нас, милостию велиею помиловал еси, и посетив жезлом неправды наша, якоже щедрит отец сыны, тако ущедрил еси нас.

        Призрел бо еси на скорбь нашу, и на потребление царствующаго града, в немже от лет древних призвася Имя Твое, и на моления наша, яже не на наша правды уповающе повергохом пред Тобою, но на щедроты Твоя многия, Господи: и дал еси нам хребет нечестивых супостатов, Благочестивейшаго же Царя нашего Александра Павловича венчал еси оружием благоволения Твоего, да от лица Христа Твоего исчезающе исчезнут яко дым, врази Твои, любящии же Тебе возсияют, яко восток солнца в силе своей. Видехом, Господи, видехом и вси языцы, видеша в нас, яко Ты еси Бог, и несть разве Тебе, Ты убиеши и жити сотвориши, поразиши и исцелиши, и несть, иже измет от руку Твоею. Темже утвердися сердце наше во Господе нашем, вознесеся рог наш в Бозе нашем, возвеселихомся о спасении Твоем.

        Благодарим Тя, Господи, яко наказуя наказал еси ны вмале, да не смерти во веки предаси нас. Даждь нам, Господи, память сего славнаго Твоего посещения тверду и непрестанну имети в себе, яко да в Тебе утверждени сыновним страхом и верою, и любовию, и Твоею крепостию ограждени, выну, якоже днесь, поем и славословим Имя Святое Твое. Утверди благословение Твое и на Благочестивейшем, Самодержавнейшем, Великом, Государе нашем Императоре Николае Александровиче всея Россiи, и Дух Твой Благий да почиет на Нем выну. Подаждь во благочестивой державе Его пастырем святыню, правителем суд и правду, народу мир и тишину, законам силу и вере преспеяние.
О Премилосердый Господи! Пробави милость Твою ведущым Тя: но и неищущиым Тебе явлен буди: еще и врагов наших сердца к Тебе обрати: и всем языком и племеном во Единем Истиннем Христе Твоем познан буди. Да от восток солнца до запад, всеми убо языки, единем же сердцем, вси языцы восклицают Тебе гласом радования.
Возглашение: Слава Тебе Богу, Спасителю всех во веки веков.
     Победа русского народа под руководством Императора Александра Первого над галлами и с ними двадесяти язык есть прообраз победы Русского богоносного Народа под предводительством Царя-победителя над всеми врагами Божьими накануне Второго Пришествия Христа.


Тропарь св. благоверному Императору Александру Первому Благословенному (глас 1-й)


Прообразом Царя-победителя явился еси;/ Тезоименитому князю Александру уподобился;/ землю Русскую от галлов и дванадесяти языков очистил еси, Европу покорил и Благословенным наречен был/, Избранник Пресвятой Троицы явился еси/, благословению Святителя Филарета и преподобнаго Серафима последовал еси/, венец царский сменив на пост и молитву/, духовной брани на супостатов земли Русской поборниче/, смерть мнимую и путь странничества в Сибирь от Господа вольно прияти изволил еси/, чудесы и знамениями в земле Томской просиял еси/ и Праведным Феодором наречен быв./ Святый Благоверный Царю наш Александре/, Ангеле-Хранителю земли Русской, /моли Всемислостиваго Бога/ да помилует Он народ русский и приведет его к соборному покаянию/, и да восставит власть Царя-Самодержца - Хозяина земли Русской/ и благословит люди своя миром/.


Молитва святому праведному Феодору Томскому


О, праведне отче наш Феодоре, избранниче и любимче Пресвятыя Троицы, чадолюбивый и милостивый Отец Отечества нашего и Благословенный вождь народа русскаго (Божьего), доблесный воин Христов, аки же Княже Александре и Феодоре Стратилате был еси, защитивший от супостат и очистивший от нашествия галлов и дванадесяти языков землю русскую, Париж взявший и Европу покоривший, победу над предтечей антихриста к ногам рождшагося младенца Христа, аки великий дар принесшего, и в благодарность за оную в честь Христа Спасителя и в память Его славного Рождества во граде Москве Храм воздвигшаго, лавров земных и почестей царских отвергшись и по благословению Святителя Филарета и Преподобного Серафима мнимую смерть, крест странничества и безвестности от Господа приимши, венец царский сменивши на пост и молитву и в землю Сибирскую вольно отъити изволив, дар прозорливости и исцелений от Господа получивши и многими чудесы и знамениями в земли Томской просиявший, Ангеле-Хранителю земли Русской, умоли Христа Бога помиловати народ русский, изменивший своему Царю и Богу, и привести его к соборному покаянию. Молитвами Твоими да воскресит Всемогущий Господь Русь Самодержавную Православную, наследнику Твоему, последнему Государю из рода Романовых победу над антихристом дарует и благословит люди Своя миром. Аминь. И Богу Нашему Слава.