Пропустить навигацию.
Главная

Акафист Пророку Божию Григорию

Кондак 1
Избранный пророче и изрядный угодниче Христов, образ служения Богу, Царю и Отечеству явивый, душу свою за Царя и будущее России положивый, и яко имеяй велие дерзновение ко Господу, от всяких бед молитвами твоими свобождай, зовущих: Радуйся, Григорие, пророче и предивный чудотворче.
Икос 1
         Ангел хранитель Царству Русскому явился еси, любомудре Григорие, о России, о царех ея бодрствуя в молитвенном предстоянии Богу. Сего ради и пророческий дар от Господа сил приял еси, и яко древле Давиду Нафан, и яко Русским царем Митрофаний Воронежский, тайновидец Авель, Серафим Саровский, Иоанн Кронштадтский явился еси, от нас же слышиши сицевая:
         Радуйся, Царства Божия ради странниче; радуйся, Божий избранниче.
         Радуйся, о народушке печальниче; радуйся, о Россиюшке страдальниче.
         Радуйся, пророков Божиих наследниче; радуйся, Царя земнаго советниче.
         Радуйся, Царскаго рода молитвенниче; радуйся, недугующа Царевича целебниче.
         Радуйся, Царства земнаго и Небеснаго проповедниче; радуйся, зерцало служения Царю и Отечеству.
         Радуйся, каменю небреженный, имже Церковь торжествующая созидается; радуйся, молитвенниче предивный, имже Церковь воинственствующая сохраняется.
         Радуйся, Григорие, пророче и предивный чудотворче.

Кондак 2
         Видя Сердцеведец Господь благоплодное сокровище души твоея, святе Григорие, направи стопы твоя от дальней Сибири в ближния други Государем, да праведным житием твоим возвестиши заблудшему народу Русскому стезю ко спасению, и услышит Бог от обращшихся: Аллилуиа.

Икос 2
         Разум Божественный уразумети ища, богоразумне Григорие, всяким опытом и подвигов натрижнением ум Христов стяжал еси. Темже приими от нас хвалебная сия:
         Радуйся, в посте и молитве пред Богом ходивый; радуйся, истинный православный христианин бывый.
         Радуйся, слуго Царев и труженниче честнейший; радуйся, подвижниче, высокие подвиги в миру понесший.
         Радуйся, железными вериги и всяким воздержанием похоть плоти и очес умервщлявый; радуйся, веригами любве душу преображавый.
         Радуйся, к уразумению Писаний усердно прилежавый; радуйся, тишину душевную всепрощением стяжавый.
         Радуйся, яко слово любве опытна странника проповедуеши; радуйся, заповеди любве неотступно следуеши.
         Радуйся, житием и успением своим подражание Спасителю являеши; радуйся, яко премудрость Небесную в простоте сердца стяжевати научаеши.
Радуйся, Григорие, пророче и предивный чудотворче.

Кондак 3
         Сила Вышняго, Покров Богоматере и заступление святых угодников Божиих явишася на тебе, отче Григорие, егда Тии от долговременных болезней тя избавляюще и на путь Божий наставляюще, пети Богу уязвляху: Аллилуиа.

Икос 3
         Имея Духа Свята приимательную утрообу,  знамения чудеснаго сподобился еси на селе своем труждаяся, Григорие, егда Владычица явлением образа Казанскаго Своего вращшася от рала тебе содела и на особое служение призва, знаменуя пришествие твое к селам Небесным от Царскаго села, дабы царственным чадом пети о тебе сицевая:
         Радуйся, Божией Матере и святых угодников благоговейний чтителю; радуйся, немощей телесных помощию Святых победителю.
Радуйся, явления Богоматере сподобляемый; радуйся, покровом Богородицы выну осеняемый.
Радуйся, от Божия творения Бога познавающий; радуйся, зрети Бога всюду научающий.
Радуйся, Божия храма на селе родном зиждителю; радуйся, храмов нерукотворенных устроителю.
Радуйся, Царскаго Села покрове и ограждение; радуйся, наследниче Небесных Селений.
Радуйся, наследити Божественныя Селения Царскую Семью уготовляеши; радуйся, духовно окормляеши всех с верою к тебе притекающих.
Радуйся, Григорие, пророче и предивный чудотворче.

Кондак 4
         Бурю внутрь имеяй помышлений сумнительных, мнози в стольнем граде к тебе, отче Григорие, аки человеку Божию обращахуся, и от Бога чрез тя просимое получаху, славя Бога песнью: Аллилуиа.

Икос 4
         Послушаше тя в сладость духовную петербуржцы православнии, и умилишася, и восхотеша похвальне ти воспети тако:
         Радуйся, духом в богообщении утвердивыйся; радуйся, в разуме и слове о Христе обогативыйся.
         Радуйся, мудрствуяй во благое, простый во злое; раадуйся, возлюбивый иго Христово и Царево благое.
         Радуйся, юродивую мудрость века сего посрамляющий; радуйся, светоче духовный, верою живою истинною просвещающий.
Радуйся, премудрости Божией мудрецем толкователю; радуйся, фарисейскаго духа чуткий распознавателю.
         Радуйся, яко милость Божию и козни диаволи опытом познавый; радуйся, яко достоинство крестианина пред Богом миру показавый.
Радуйся, земных о Небеснем собеседниче; радуйся, мирских и духовных наставниче и советниче.
Радуйся, Григорие, пророче и предивный чудотворче.

Кондак 5
         Боготечную звезду светом Божественным сияющу, еже возгореся на Востоке яви тя, досточудне Григорие, Небесный Царь пред очима Царя земнаго, и Той чистым сердцем позна тя, человека Божия и прослави Бога песнью : Аллилуиа.

Икос 5
         Видеша врачеве именитии тобою исцеляемаго Царевича, егда сами уврачевати никакоже можаху, дивляхуся силам Божиим по молитве твоей являемым, и мы, ведуще, яко скор Господь слышати молитву праведника, во умилении поим ти таковая:
Радуйся, звездо, во мраце греха благодатию сияющая; радуйся, миру озлобленному мудрость и силу любве являющий.
Радуйся, любящий Государей любовию нелицемерной; радуйся, искренний Царский и рабе Божий благий и верный.
Радуйся, препростый, яко сткло для воли Христовой; радуйся, христоугодником наставо житием и словом.
         Радуйся, возлюбленный Христа, имже Господь престольный град окормляет; радуйся, пророчи уста, имиже Царь Небесный Царю земному вещает.
         Радуйся, силою Божией неизреченная велия чудеса творивый; радуйся, дванадесятолетно Отечеству мирное житие продливый.
         Радуйся, Наследника Престола течение кровей затворяяй; радуйся, Державу Царскую от кровопролития молитвою своею сохраняяй.
Радуйся, Григорие, пророче и предивный чудотворче.

Кондак 6
         Проповедником истиннаго благочестия явился еси , отче Григорие, научая в правой совести, в страсе Божием, тщанием и любовию молитву за Царя деяти. И аще не вняша ти паче клеветников злых людие злонравнии, ныне же в разум Христов приходящии да воспоют о тебе Богу: Аллилуиа.

Икос 6
         Воссия слава велия твоя яко целителя многих недуг, и, о, дивное милосердия явление: от тех же пороков и страстей врачуеши, в них же тя, человека Божия, обвиняху и кляняху. Мы же видяще исцеленных, прежде же пианством, всяким распутством и беснованием пораженных, взываем радостно сицевая:
         Радуйся, трубо, еюже цареотступныя люди Господь в разум истины призывает; радуйся, имже служити верно Царю аки Богу научает.
         Радуйся, гласе в пустыне, зовущий христоборныя к покаянию; радуйся, душ заблудших исправление и врачевание.
Радуйся, духовный врачу, неисцельныя недуги исцеляющий; радуйся, с верою обращающихся к тебе из пучины порока извлачающий.
Радуйся, очистилище народа, во гресех сущаго; радуйся, Пантелеимоне новый народа Русскаго.
Радуйся, соле Земли, своим молитвенным бдением тлену Империи возбраняющая; радуйся, осолителю душ, от вечнаго тлена исхищающий.
Радуйся, имже народ Божий от зловерия сохраняется; радуйся, имже Правда Божия о царех, христех господних, насаждается.
Радуйся, Григорие, пророче и предивный чудотворче.

Кондак 7
         Хотящу Иоанну Кронштадтскому от нынешняго века представитися: по  имени твоему буди тебе, - прорече страннику Григорию, - бодрствовати о Царстве Русском призывая. Се и мы Промыслителю о царех поим: Аллилуиа.

Икос 7
         Новаго чудотворца Николая, Новую мученицу Царицу Александру, Новаго мученика Царевича Алексия и мнози ины  новы мученицы показует Господь нам именем твоим, егда безмолвный доселе младенец царственный: Новый! - глаголет зря тебе, святе Божий, мы же обновляяся познанием истины сице поим ти:
         Радуйся, Лоте новый во Содоме новом; радуйся, новый пророче житием и словом.
Радуйся, новый Царем поборниче; радуйся, новый на Руси чудотворче.
Радуйся, новому Николаю чудотворцу собеседниче; радуйся, новому Царевичу Алексию целебниче.
Радуйся, новой Царице Александре отрадо и утешение; радуйся, новых верноподданных образе спасения.
Радуйся, для Земли новой жертва усердная; радуйся, новаго Неба звездо пресветлая.
Радуйся, яко тобою новый сонм новомученик открывается; радуйся, яко тобою для жития с Самодержавным Царем людие обновляются.
Радуйся, Григорие, пророче и предивный чудотворче.

Кондак 8
         Странно есть и дивно во очию нашею, како молитвою единаго вернаго препростаго Ты, Господи, Царство Православное храниши, и в сожжении старицею осьми кукол видим сожигание и праведнаго Григория, яко богоугодной жертвы верноподданническаго народа Российскаго, и чающе воскресения сего верноподданичества, взываем: Аллилуиа.

Икос 8
         Весь бе образ истиннаго сына Отечества, вернаго Царю своему, сие зряще враги Самодержавия, чада диавола, возжелеша тя погубити, твое честное имя  клеветою опорочити, сего ради тринадесять внешних тебе подобников изыскаша, от нихже некии непотребства постыдныя от твоего имене учиняша. Темже трудносносимою Христовою скрбию: яко свои своя не познаша, твой, Григорие, тяжкий крест отяжеляша. Господь же славою тя увенча, и вразуми хвалебная пения приносити сицевая:
         Радуйся, кроткая овчате, на пажитех евангельских упасшийся; радуйся, воине Христов, на камене веры утвердивыйся.
         Радуйся, ниву сердца слову Христову уготовивый; радуйя, слово и волю Христову исполнивый.
Радуйся, классе, на ниве Христове обильно плодствуяй; радуйся, пророческий гласе, над Россией бодрствуяй.
Радуйся, трудниче, в трудный час России явленный; радуйся, светильниче, пред царским Престолом возжженный.
Радуйся, врагов самодержавия язвенное жжение; радуйся, во истине стоящих щит и ограждение.
Радуйся, сокровище духовное, верных богатящее; радуйся, жертво всесожжения, Бога умилостивляющая.
         Радуйся, Григорие, пророче и предивный чудотворче.
Кондак 9
         Всякое естество ангельское удивися сокровенному подвигу терпения твоего, егда на напраслины и укорения в несодеянном, кротце отвеща: увидимся на Страшнем Суде, Богу же воздая песнь: Аллилуиа.
 Икос 9
         Ветия многовещанныя яко рыбы безгласныя видим о тебе, человече Божий Григорие, понеже краткими словесы в удивление приводил еси просителей своих, тайну сердца их постигая, неизглаголанная прозревая, наипаче аще чудо исцеления являя. Сего ради и мы поим ти сице:
         Радуйся, премудрая простото, премудрая книжная удивляющая; радуйся, умная  быстрото, тайная христоборныя зрящая.
         Радуйся, словесная острото, еретическия книжнотворцы обличающая; радуйся, невинности глубино, богомерзкую корысть отженяющая.
Радуйся, непоколебимая веро, молитвою до Небес достизающая; радуйся, душевная широто, любовию ближния и дальния обымающая.
Радуйся, смирения богатство и глубино, нашу стропотность и гордыню смиряющая; радуйся, всяческая сердца доброто, двери райския отверзающая.
Радуйся, правдивости высото.  На высоту креста возводящая; радуйся, пресветлая красото, благодатию сияющая.
Радуйся, воздержания и терпения долгото, небесную радость дарующая; радуйся, целомудрия полното, дарами благодати богатящая.
Радуйся, Григорие, пророче и предивный чудоторче.
Кондак 10
         Спасти хотяй всех хотящих спастися Человеколюбец Господь, тобою, отче Григорие, показует, како миряном, бремя семьи и служения Отечеству и Царю носящим, спастися удобно мощно. Путь опытнаго странника чтуще, Богу поим: Аллилуиа. 

Икос 10

         Стена еси, и щит, и ограждение Царствующему Дому и всем, к твоей помощи прибегающим и поющим сицевая:
         Радуйся, род Царский неусыпно хранивый; радуйся, трону стену молитв возводивый.
         Радуйся, разрушительных чаяний врагов разрушителю; радуйся, стено духовная на пути разрушителей.
         Радуйся, в молитве о Царе и Наследнике не оскудеваяй; радуйся, Отечеству торжество Православия сохраняяй.
         Радуйся, врагом России неодолимая преградо; радуйся, Государю во брани непобедимая победо.
         Радуйся, молитвенное кадило, недуг пианства изженяющее; радуйся, супружеств благочестивых оградо остеняющая.
         Радуйся, яко тобою злосмрадных страстей избавляемся; радуйся, яко тобою из рук враг наших исхищаемся.
         Радуйся, Григорие, пророче и предивный чудотворче.
 Кондак 11
         Пение всякое не возможет исчести вся борения твоя на пути несения креста твоего, егоже чрез все житие влекл еси, никакоже отметаяся, выну хваля Бога: Аллилуиа.

Икос 11

         Светоподательную свещу, мрак зловерия и лицемернаго суесловия разгоняющую, и тайныя враги аки явныя являющую, зрим тя святе отче Григорие, и сбытие твоих пророчеств уведевше, уразумеваем, аще и от части, яко близ Богу был еси Ты, человече Божий, и славословим тя сице:
Радуйся, адаманте несокрушимый Православия; радуйся, проповедниче самодержавия.
         Радуйся, света истины во мраце неверия проповедниче; радуйся, свеще, не под спудом, а на свещнице возженная.
         Радуйся, яко тайная аки явная являеши; радуйся, яко беды и напасти от Отечества отвращаеши.
         Радуйся, верою и мужеством скорби и поношения одолеваеши; радуйся, образ крестоношения и крест Государю вручаеши.
         Радуйся, кончину свою и Государей своих предуведевый; радуйся, смуту на России предзревый.
Радуйся, имже Господь образ верности самодержавию являет; радуйся, имже к покаянию в гресе неверности Царем призывает.
Радуйся, Григорие, пророче и предивный чудотворче.

Кондак 12
         Благодать дати восхотев долгов древних, всех долгов Решитель человеком, яви тя, отче Григорие, сельска труженика изрядна, не токмо на земли, но и на ниве сердечной взрастивша обильны плоды, ихже Господь росою благодати богатно напои, тебе в други и сыны Христовы вчини, да людие житию твоему подражающе, воззовут: Аллилуиа.
Икос 12
         Поюще подвиги и чудеса твоя, молим тя, о молитвенниче святый, умоли Искупителя всех Иисуса Христа о спасении душ наших, вопиющих к тебе:
         Радуйся, душе, подвигом сокровенным очищенная; радуйся, человече Божий, на пророческое служение Богородицею благословенный.
         Радуйся, Господа и Государя, аки Господа, возлюбивый; радуйся, чашу горькую за Царя и за Христа испивый.
         Радуйся, яко путь на Русскую Голгофу Царю Государю своему уготовляеши; радуйся, яко в жертве крестней своей верный Царю народ представляеши.
         Радуйся, яко исповедывание твоея веры Господь мученичеством запечатлевает; радуйся, яко нетлением и благоуханием мощей Господь святость твою являет.
         Радуйся, яко собою грех измены народной врачуеши; радуйся, яко собою воскресение верноподданничества народа Богопомазаннику пророчествуеши.
         Радуйся, яко залог нашея верности христу Господню являеши; радуйся, от горькия участи заступлением твоим нас избавляеши.
Радуйся, Григорие, пророче и предивный чудотворче.
Кондак 13
         О, предивный угодниче Христов, праведный старче, целителю и пророче Царев Григорие, приими малое сие приношение, и испроси у Христа Бога нам грехов оставление, и молитвенным твоим заступлением избави нас от вечныя муки, о тебе вопиющих Богу: Аллилуиа.
         (Сей кондак глаголи трижды. И паки: икос 1 и кондак 1).

Молитва.

         О, святый угодниче Христов, пророче Григорие, Богу, Царю и Отечеству служителю до смерти верный, новомучениче, за Царя от жидов христоненавистник убиенный, о России, о Царех и чадех ея молитвенниче усердный! О, Препростый чудотворче, новый Русский целителю Пантелеимоне, умоли Врача душ и телес Христа Господа об исцелении народа Русскаго, недугом неверности Царем своим смертельно поврежденнаго: молим тя, яко дерзновение пред Господом имуща, заступи нас пред Владкою всех царей и пред Государями, тобою возлюбленными и тебя возлюбившими, да получим  страшных грехов наших прощение, и да затворит Господь кровей христианских истечение, и узрим служения самодержавному Царю восставление, и соборной души народной воскресение, и на страшнем Судищи Божием да сподобимся избавления вечных мучений, и наследия в Небесных Селениих, идеже вси святии воспевают славу Пресвятыя Троицы во веки веков. Аминь.

Тропарь,  гл.4. (8)

         Молитвенниче за Русь самодержавную и за наследие Ея, пророче и предивный чудотворче, великий мучениче за Царя и за Христа, человече Божий,  Григорие, моли Бога спастися душам нашим.

Прикрепленный файлРазмер
Акафист Пророку Божию Григорию.doc219.5 кб
Акафист пророку Божию Григорию.pdf316.55 кб