Акафист Святому Благоверному Императору Петру Великому

Кондак 1

Избранному Воеводе земли Русския, Императору Петру Великому, славному Отцу Отечества нашего, восписуем пение похвальное, во умилении  сердец  зовуще: Радуйся, Великий Петре, первоверховный Российский Императоре.

Икос 1

Ангелов Творец, Святый Истинный, имея ключ Давидов, отверзаяй, и никто же затворит, затворяй, и никто же отверзает: отверзи ум и язык на похвалу Великому Государю Отечества нашего, и Ты, Петре, Великий пред Богом и людьми и препростый к простецем, услыши и приими со снисхождением, коликими возможем сотворити пении:

Радуйся, Каменю Велий, Церкве Святей во основание;

радуйся, Царю царей, рожденный по обетованию.

Радуйся, Каменю Веры, земли Русския крепосте;

радуйся, Строителю каменных градов и крепостей.

Радуйся, Империи Российской Зиждителю;

радуйся, Императоров Русских Прародителю.

Радуйся, Церкви воинствующей Главо и Предводителю;

радуйся, в Царство Божие народа Божия Путеводителю.

Радуйся, славою воссиявый аки на свещнице;

радуйся, Апостола Петра Преемниче.

Радуйся, яко Тобою от ига бесовскаго избавляемся;

радуйся, яко Тобою в вере правой утверждаемся.

Радуйся, Великий Петре, первоверховный Российский Императоре.

Кондак 2

Видя Господь Невесту Свою убогу и ослабленну, от врагов, ополчающихся противу Ея, незащищенну, являет Защитника силою и верою крепка, благочестием надежна, Петра Велика, да поют русские люди Богу благодарную песнь: Аллилуйя.

Икос 2

Разумом и Премудростию Своею умудряя, Духом крепости укрепляя, Промыслитель всяческих с первых лет к великому служению уготовляше Тя, Наследника Престола Давидова, и аще триех лет лишися Отца роднаго, обаче вождением Отцем Небесным ко всякому благому устремляшася  душа Твоя. Сего ради слышиши таковая:

Радуйся, с малых лет дело воинское возлюбивый;

радуйся, с малых лет отважность и силу явивый.

Радуйся, потешные полки создававый;

радуйся, воинскую премудрость уразуме в забавах.

Радуйся, с триех лет защищению родной земли посвященный;

радуйся, с триех лет мечом Правды Отцем благословленный.

Радуйся, во отрочестве многия ремесла освоивый;

радуйся, всякою премудростию и навыком Себе усовершивый.

Радуйся, воле твердая, непоколебимая;

радуйся, великодушие неповторимое.

Радуйся неутолимое Отечествию служение;

радуйся, подданным отрадо и утешение.

Радуйся, Великий Петре, первоверховный Российский Императоре.

Кондак 3

Сила Вышняго осени младаго Царя Петра, егда узре в Архангельстей гавани мнози корабли иноземнии крепцы и велицы, обаче русскаго ни единаго, и повелел еси немедля устроити на Двине верфь и заложити три корабли, сим первое основание Русской Флотилии полагая и пети нас воздвизая Богови: Аллилуйя.

Икос 3

Имея же корабли готови, возрадовася зело и возблагодарити Бога жаждя, в Соловецкую обитель потекл еси, обаче бурею страшною застигнут  быв, спасения не чая, Святых Таин причастися и послежде милостию Божией Пертоминскаго монастыря достигли еси. В благодарение же Богу Ты, Петре благочестне, Крест Своима рукама воздвигл еси и иноков богатно одарил еси. Сего ради поем Ти сицевая:

Радуйся, выну пред Богом ходивый;

радуйся, совесть пред Богом хранивый.

Радуйся, Воли Божией верный Творителю;

радуйся, Флота и Войска Российского Зиждителю.

Радуйся, с Богом вся устрояяй;

радуйся, за вся Бога благодаряяй.

Радуйся, Кресты в благодарение воздвизаяй;

радуйся, дары обителем посылаяй.

Радуйся, молитва Твоя Небес достизающая;

радуйся, Вера Твоя спасающая.

Радуйся, яко Твоею Верою милость Божия является;

радуйся, яко Тобою милости Божией сподобляемся.

Радуйся, Великий Петре, первоверховный Российский Императоре.

Кондак 4

Бурю внутрь имеюще помышлений злых и сумнительных раскольники и враги Христовы лживыми наветы в смущение русские люди привождаше, сим Твоим, Царю, замыслом благим исполнению претыкание творяше. Ты же, Петре, твердостию неколебимою и упованием на  Бога, споспешествующему во благое любящим Его, учиняемая препятствия преодолеваше, Богу взывая: Аллилуйя.

Икос 4

Слышавше от клеветников иноземных и от людей Своих, соблазненных всякими оговоры Твоих деяний, намерений и жития Твоего посмеяние, мнози по сю пору имут им внимати, не ведяще, яко Бог, ихже предустави, техже и оправда, а ихже оправда, сих и прослави. И кто поемлет на Избранныя Божия: Бог оправдаяй. Кто осуждаяй? Христос Бог ходатайствуяй и иже с Ним быти хотяй и воспеваяй тако:

Радуйся, Бог Тя на Царство поставляяй;

радуйся, Бог Тя в служении умудряй.

Радуйся, Бог в деяниих Твоих споспешествуяй;

радуйся, Бог на сердце Ти полагаяй.

Радуйся, величием Богом возвышенный;

радуйся, снисхождением к подданным украшенный.

Радуйся, Сияние, Солнце Правды отражающее;

радуйся, лицем и саном Христа царствующа являющий.

Радуйся, Царю царей Державы всемогущей;

радуйся, преобразования Твоя благи и вездесущи.

Радуйся, вернии Тя Святым Образом Бога величают;

радуйся, Твоим заступлением спастися чаем.

Радуйся, Великий Петре, первоверховный Российский Императоре.

Кондак 5

Богоявленною Звездою явился еси в созвездии Лебедя в зачатие Твое, назнаменуя величие Твоея судьбы, уготованныя от Создателя всех, Тому поем: Аллилуйя.

Икос 5

Виде новоявленную Звезду пресветлу близ Марса блаженный Симеон Полоцкий и, в сердце своем услышав, прорече судьбу, имя и день рождества Твоего, и во уверение истинное подписуяся, утверди письменная словеса сия. Мы же дивяся исполнению прореченному, возглашаем о сем сице:

Радуйся, Самим Богом избранный и помазанный;

радуйся, Правителю  православных христиан.

Радуйся,  в Царствии Небеснем с Царями Русскими за Свой народ молящийся;

радуйся, Своими деяньми Истине послуживый.

Радуйся, словом, делом и мечом побеждающий;

радуйся, от врагов Христовых Русскую землю очищающий.

Радуйся, честных любящий, злых же наказующий;

радуйся, в праведный страх приводяй, благочестие взыскующий.

Радуйся, неусыпными труды вся во благо устрояющий;

радуйся, достоинство народа Твоего возвышающий.

Радуйся, из небытия в бытие приводящий;

радуйся, из тьмы неведения на феатр славы возводящий.

Радуйся, Великий Петре, первоверховный Российский Императоре.

Кондак 6

Проповедницы величия Твоего явилися суть Твоя деяния, оны и по сю пору суть опоры благостоянию Отечествия Твоего и источницы благоденствия народов Российских и пред очию суть всех живущих и всех поющих о Тебе Богу: Аллилуйя.

Икос 6

Воссиял еси славою Защитника Веры и Правды Христовой на земли, превзошед славу покровителя Твоего святаго Исаакия исповедника Далматскаго, иже явлен бяше орудием пресечения нечестия в Царьграде, и последи строителем обители святей имел бе быти. Тем же Ти, Петре Великий, поем таковая:

Радуйся, натиск врагов на восток сдержавый;

радуйся, чужестранцев от границ прогнавый.

Радуйся, Варяжскаго моря брега кораблями заполнивый;

радуйся, новые гавани, грады обустроивый.

Радуйся, гражданская дела исправивый;

радуйся, новы промыслы и заводы поставивый.

Радуйся, Воинство доблестное создавый;

радуйся, грозным оружием страх врагом внушавый.

Радуйся, победы и труды Твоя плодотворны и благодетельны;

радуйся, триста лет рождаются тому свидетели.

Радуйся, триста лет от них аки от источника нас питаеши;

радуйся, яко поныне у Господа благостроение Отечеству испрошаеши.

Радуйся, Великий Петре, первоверховный Российский Императоре.

Кондак 7

Хотящу Тебе господство на брегах Варяжскаго моря утвердити, на вспомоществование Воинства Небеснаго уповал еси, темже и Ратника здешния  земли Великаго Благовернаго Князя Александра Невскаго в заступление призываше, Заступницу усердную, Мати Бога Вышняго умоляше, Богу поя: Аллилуйя.

Икос 7

Нову Столицу на Севере, Богомудре Петре, устрои, западные рубежи страны укрепля, икону же чудотворную Казанския Заступницы в сердце града постави, аки Камень совершенный, в основание нова града Царствующа положенный. Сего ради взываем Ти таковая:

Радуйся, помощию Богоматери враги побеждаяй;

радуйся, Лифляндию от свеев очищаяй.

Радуйся, старыя русские грады России возвращайя;

радуйся, Балтийские брега за Россией упрочаяй.

Радуйся, Северную Столицу Царства основавый;

радуйся, Казанскую Заступницу в покров Ея призвавый.

Радуйся, мощами Александра Невскаго новый град освятивый;

радуйся, обитель святую тому посвятивый.

Радуйся, подвигов Александра Невскаго Продолжателю;

радуйся, Царствованию Иоанна Грознаго Подражателю.

Радуйся, яко Тобою чаяния врагов России сокрушаются;

радуйся, яко Тобою народ от рабства сохраняется.

Радуйся, Великий Петре, первоверховный Российский Императоре.

Кондак 8

Странны действия и намерения Твоя дальним и ближним, не разумевающим благая Божия, и сего ради многая помешательства бяху Ти учиняли. Ты же трудолюбивых любляше, злых истребляши, мнози концы дальни яко близ сущии посетил еси, благочестие насаждая, иноверцы в Веру Христову обращая, сибирския народы светом Правыя Веры просвещая, суеверия, крамолу в стране Своей искореняя, воистину первоверховным  Апостолом поревновал еси, ревностию по Бозе снедаемый, научая люди пети Богу: Аллилуйя.

Икос 8

Весь бе в нижних, душу за люди Своя полагая, но и вышних накакоже отступи, страшася человеческим страстем паче Богу угодити. Такожде и патриарху Адриану, ходатайствующу о вероломных стрельцех, отвеща, яко истинное благочестие обязывает Царя заботитися о народе и карати злодеяния, ведущая к общей погибели. Сего ради Тебе, Истребителю зла и Умножителю добра, взываем сицевая:

Радуйся, в день Апостолов Петра и Павла во Христа облечеся;

радуйся, в честь первоверховнаго Апостола наречеся.

Радуйся, крепость и град Ему посвятивый;

радуйся, крепкое ограждение Империи явивый.

Радуйся, подвиг апостольский на Себе подъявый;

радуйся, крамолу, суеверия, злодеяния искоренявый.

Радуйся, расточенныя, плененные овцы взыскавый;

радуйся, заблудшия и иноверныя в верноподданныя обращавый.

Радуйся, на служение Правде Божией человеков уловление;

радуйся, человеков Божиих почтение и прославление.

Радуйся, яко Тобою в потешных соборищах папистское зловерие обличается;

радуйся, яко Тобою истинное Правоверие утверждается.

Радуйся, Великий Петре, первоверховный Российский Императоре.

Кондак 9

Всяким наукам научен бе, и всякая умения обрете, и всякая уловления для обращения в благочестивую Веру учини, такожде и глумление над иконы святыя пресекая, тою же казнию караше, кую богохульник над иконы творяше. И о блазе Отечествия Своего ревнуя, на всяки делы блази аки Серафим пламенный поспешаше, всем вся бывая, пример Веры, благочестия, трудолюбия являя, да Ти подражающе, поют вернии людие в  веселии сердца: Аллилуйя.

Икос 9

Ветия многовещанныя не возмогут уразумети и изобразити вся деяния Твоя. Мы же и толикую малость от них воспоминающе, диву даемся и  хвалим Тя пении сими:

Радуйся, клиросное пение сердечно любивый;

радуйся, храмам Церковным проекты творивый.

Радуйся, сведущий изрядно в Церковном уставе;

радуйся, по памяти Слово Божие читавый.

Радуйся, из слоновой кости святые иконы вырезавый;

радуйся, глумление над иконы строго пресекавый.

Радуйся, Синод Святейший для Церкви утвердивый;

радуйся, единство Церкве и непорочность Ея укрепивый.

Радуйся, великодушие и широта ума, ум человеческий превосходящая;

радуйся, глубино постижения Воли Божией недомыслимая.

Радуйся, яко Твоим примером души людския преображаются;

радуйся, яко Тобою духом крепости и ревности по Бозе исполняются.

Радуйся, Великий Петре, первоверховный Российский Императоре.

Кондак 10

Спаси хотя люди Своя и благословити достояние Свое, человеколюбивый Господь, избра Тя, Петре, яко древо благосеннолиственное, имже покрываются мнози, да упасеши народ Божий поющий: Аллилуйя.

Икос 10

Стена и ограждение Дому Богородицы явися, Императоре Петре добропобедный, яко от врагов внешних и внутренних Его защищаше, злонравных и нерадивых исправляше, благоверных и трудолюбивых награждаше, лесть пресекаше, искренность поощряше, праведно служити  Богу, Царю и Отечеству всяко побуждаше, темже поем Ти сицевая:

Радуйся, Щите, защищавый Веру, Отечество и благочестие;

радуйся, Мечу, посяцаяй злочестие.

Радуйся, Премудрости Соломонова, козни лукаваго разрушающая;

радуйся, Мужество и Доблесте Архангелово, враги устрашающее.

Радуйся, яко немирныя соседи умиряеши;

радуйся, яко непобедимыя неприятели побеждаеши.

Радуйся, победы славными землю Русскую остеняеши;

радуйся, мирное и доброе житие устрояеши.

Радуйся, Милосердие неописанное;

радуйся, Правосудие в сердце писанное.

Радуйся, яко Тобою праведный суд совершается;

радуйся, яко Тобою Правда Божия утверждается.

Радуйся, Великий Петре, первоверховный Российский Императоре.

Кондак 11

Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Петре Великий, ничтоже совершаем достойно, яже дал еси нам, о Тебе вопиющим: Аллилуйя.

Икос 11

Святоприемную Свещу, сущую во тьме явльшуюся, зрим Царя Петра, невещественный бо вжигая огнь, наставляет к полезному труду, к Божественному Разуму и Страху Божию. Сего ради и почитаем Ти звании сими:

Радуйся, Звездо новая велия над Вселенною возжженная;

радуйся, явлением Ея Вселенная бысть оповещенная.

Радуйся, Отечества светом наук Осияние;

радуйся, побед героических Блистание.

Радуйся, яко добрая намерения во умы влагаеши;

радуйся, светлый Путевождю, в Царство Славы стези проторяющий.

Радуйся, Солнца Лучу, во мрак невежества вшедший;

радуйся, мнози звезды над Россией возжегший.

Радуйся, от мрака страха и печали Избавление;

радуйся, Сияние отрады и утешения.

Радуйся, яко славою Твоею и мы осияваемся;

радуйся, яко Тебе славящее, от тяготы лености и греховнаго сна пробуждаемся.

Радуйся, Великий Петре, первоверховный Российский Императоре.

Кондак 12

Благодать дати восхотев долгов древних, всех долгов Решитель человеком даде, народу Своему избранному, Царя Велика, Императора несравненна, да владомыя обогатит, и утешит, и возбудит их сердца воспети благодарную песнь: Аллилуйя.

Икос 12

Поющее Твое рождество и житие, Великий Петре, хвалим Бога, вся во благо устрояюща и нас научающа воспевати Ти похвальная пения сицевая:

Радуйся, Илие, ревностным служением Богу угодивый;

радуйся, Елисее, сугубую благодать яко милоть получивый.

Радуйся, яко Царь Соломон премудр, яко Царь Давид

благоговеин и благочестивейший;

радуйся, яко Моисей мнози противления намерениям Своим преодолевший.

Радуйся, яко Царь Иоанн Грозный враги устрашавый;

радуйся, яко с Александром Невским враги побеждавый.

Радуйся, яко Ной, созданием Империи от погибели Русь спасший;

радуйся, яко Апостол Петр на Камене Веры Царство Православное утверждавший.

Радуйся, добрых примеров примерный Подражателю;

радуйся, образцовый Примере для подражания Царем – Продолжателем.

Радуйся, Образ Царя Царей нам на земли явивый;

радуйся, служити Ему и любити Его научивый.

Радуйся, Великий Петре, первоверховный Российский Императоре.

Кондак 13

О, достохвальне Императоре Петре, рождший Империю Своим удивительным рачением, приими малое сие приношение, и яко имущий к Богу дерзновение, молитвами Твоими защити от зловерия и погибели вечныя Отечество наше и нас вопиющих о Тебе: Аллилуйя.

Сей кондак читается трижды. Затем читаются Икос 1 и Кондак 1.

Молитва Благоверному Императору Петру Великому.

О, Великий преславный Императоре Петре, Великия Российския Империи Создателю, Церкве Божией премудрый Благоустроителю и благочестия Насадителю, предстательствуй о нас, грешных, пред Богом, умоли Царя Царей, да дарует нам оставление грехов, в Вере Православной утверждение, Скипетра Самодержавного Царя восстановление, на врагов победу и одоление и душ наших спасение, да прославим  купно с Тобою и всеми святыми Божиими Пресвятую Троицу во веки веков. Аминь.

Тропарь, глас 4

Благоверному Императору Петру Великому.

Российских Императоров Наставниче, / Императора Императоров Соработниче, / внешних и внутренних супостатов Царства и Церкви Победителю, / Империи Российской Благоустроителю, / мудрый Воспитателю будущих Небожителей, / моли Христа Бога, / спастися душам  нашим.

Источник http://zargradet.ru/?page_id=5178